La finamira da la Rait svizra d'istorissem è quella da perscrutar e da valurisar ils bains culturals prezius da l'istorissem (architectura, interiur, art applitgà) da la Svizra e da posiziunar quests internaziunalmain. Il coc da la rait furma ina gruppa d'expertas e d'experts che sa cumpona da spezialistas e spezialists dal sectur universitar, dal sectur museal e da la tgira da monuments. Quellas e quels promovan il barat professiunal ed instituziunal en Svizra e fixeschan ils temas da focus che midan mintga onn. Quests temas sa fatschentan cun dumondas che vegnan discutadas actualmain en l'istorgia d'art ed en la tgira da monuments e duain contribuir in tractament pli profunda ils aspects multifars da l'istorissem. Qua dovra la rait ina definiziun da l'istorissem che va sur ils geners or. Ses cumenzament po vegnir observà gia durant il 18. tschientaner ed ha cuntinuà fin il 20. tschientaner. In equiliber tranter las differentas disciplinas spezialisadas vegn prendì en mira cun discutar ils temas da focus. Ils resultats che vegnan cuntanschids en quest connex vegnan publitgads en furma d'essays scientifics en la Revista da la Rait svizra d'istorissem, che vegn edida da la rait sco schurnal electronic d'access liber (open access), e preschentads ad in public pli grond a la Dieta svizra d'istorissem che ha lieu mintga onn.

​

Vesair era: monuments vaudois 11, 2021 (pdf)